 Эмийн жорыг бэх болон тосон балаар тод гаргацтай засваргүй бичнэ.
 Эм биобэлдмэлийн нэрийг латин том үсгээр эхлэн харъяалахын тийн ялгалд бичнэ. Жор олон найрлагатай бол бүгдийг шинэ мөрнөөс бичих ба том үсгээр зэрэгцүүлэн бичиж, ард нь тунг бичнэ.
 Шингэн эмийн хэмжээг миллитр, дуслаар бол Х.gtts, бусад эмийн хэлбэрийг граммаар илэрхийлнэ.
 Жорын хуудсанд 0-16 насны хүүхэд, 60-аас дээш насны хүмүүсийн насыг бичнэ.
 Жорын хуудсанд хэд хэдэн эмийн жор бичвэл хооронд нь тусгаарлах тэмдэг # тавина.
 Хэрэв нэг жорын найрлагат хэд хэдэн эмийн бодисын тун адил байвал тус бүрийн ард тунг бичихгүй, харин хамгийн суулийн эмийн бодисын ар талд аа гэж товчлон бичээд тунг нэг бичнэ.
 Өвчтөнд эмийг яаралтай олгох шаардлагатай үед жорын хуудасны зүүн дээд талд Cito! (яаралтай) буюу Statim(нэн даруй)! Гэж бичнэ.  Эмч өөртөө жор бичих тохиолдолд өөртөө буюу pro me гэж тусгайлан тэмдэглэсэн байна.
 Жорын хуудсанд нэг удаа спиртийн уусмал ба эмнэлгийн цэвэр спиртийг 50- мл-ээс илүү бичихийг хориглоно.
 Эм биобэлдмэлийн улсын бүртгэлд бүртгэгдээгүй болон зөвхөн эмнэлгийн нөхцөлд хэрэглэх зориулалттай эмийг жорд бичихийг хориглоно.
 Хэрэв эмч онцгой шаардлагаас шалтгаалан эмийг стандарт дундаж тунгаас их хэмжээгээр бичих аваас эмийн тунгийн ард анхаарлын тэмдэг тавих буюу тунг үсгээр бичиж, тамга дарж баталгаажуулна.
 Мансууруулах болон сэтгэц нөлөөт болон бусад эмийн жор 10 хүртэлх хоногийн хугацаанд хүчинтэй.
 Буруу бичигдсэн эмийн жорыг эмийн сан, жор бичсэн эмчийн эмнэлгийн байгууллагын захиргаанд албан ёсоор хүргүүлнэ.
 Жорын хуудсыг аймаг, хотын засаг даргын тамгын газар эрхэлж батлагдсан загварын дагуу хэвлүүлж, улсын болон хувийн эмнэлгийн байгууллагуудад хувиарлан олгож жор бичилт, хуудасны зарцуулалатанд хяналт тавьж тооцоо хийнэ.
 Мансууруулах эмийн жорын хуудас нь эрхэлсэн байгууллагын тамга дарж баталгаажсан байхаас гадна жор бичсэн эмч, эмнэлгийн байгууллагын тамга, гарын үсэгтэй байж хүчин төгөлдөрболно.
 Олон найрлагатай эмийн жорыг бичихдээ найрлагат орсон эмийн бодисыг ач холбогдлоор нь дэс дараалуулж бичнэ. Эхэнд эмийн гол үйлдэл үзүүлэх бодис, 2-т туслах бодис, 3-рт үнэр, амт засах бодис, сүүлд нь хэлбэр оруулах бодисыг тус тус бичнэ.